Intellectus Peripateticorum [al-Ġazālī, Ibn Rušd]

in Albert the Great, Metaphysica II.1.6, p. 97.76-92

Occurrence of the quotation formula
Intellectus Peripateticorum, p. 97.91-92
Paraphrase Neutral
Et attende, quod hoc modo accidentis moventia media potentia sunt infinita, quoniam si ponamus duos motus, scilicet planes et aplanes, esse super polos diversos secundum inaequalem velocitatem et tarditatem, et primum esse motum aplanes, qui vocatur diurnus, et secundum esse motum planes super diversos polos: sequitur necessario, quod secundum diversitatem mediorum relatorum ad superius in quolibet momento motus est diversitas angulorum et formarum moventium, et hoc, potentia continue exeunte in actum, est infinitum. Et quia secundum has formas currit generatio et diversitas figurarum in generatis, sequitur necessario, quod generatio secundum huiusmodi circulum, qui propter diversitatem polorum obliquus est, erit inquieta et virtualiter infinita, sicut diximus in ii peri geneseos. Et iste est intellectus Peripateticorum in hoc loco, quem multi ignoraverunt.

Quoted text(s)

  • J. MUCKLE, Algazel’s Metaphyiscs : A Mediaeval Translation, St. Michael’s College, Toronto 1933, p. 99.7-12
    [p. 99.7-12] sic et motus celi diurnus est velocior omnibus motibus, et manifestior creature. Sol enim ex omnibus sensibilibus manifestior est, et per eum eciam senciuntur alia que sunt sensibilia, idcirco acceperunt eam mensuram qua mensurarent omnes alios motus.
  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562, L.XII, text. comm. 34, f. 317 C
    [L.XII, text. comm. 34, f. 317C] Per hoc igitur, quod dixit: Si igitur idem, etc. Intendit si igitur est hic una actio aeterna consimilis, et est motus circularis, opertet ut illud, quod agit ipsam, sit circulare et unum, sicut est de orbe, quae movetur motu diurno. Et ista una actio est causa continuationis et permanentiae transmutationis, s[cilicet] quod ista actio est causa, quod transmutatio non deficit, et quod omnia sunt semper insimul, quae non consequuntur se adinvicem, propter istum motorem.
  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562., L.XII, text. comm. 44, f. 328 H
    [L.XII, text. comm. 44, f. 328H] D[einde] d[ixit] Quoniam autem motus erraticarum sunt plures etc, idest, quoniam autem comprehensum sensu est, quod istae stellae habent plures motus. Qui enim aliquantulum ingressus est in Mathematicam, videt quod quaelibet stellarum erraticarum habet plures motus uno.

References in current editions

  • None
Notes
Cf. ALBERTUS MAGNUS, De caelo et mundo, II, tr. 3, c. 10, p. 162: “isti enim duo motus sunt in superioribus, qui Graece vocantur planes et aplanes, hoc est erraticus et sine errore; quae, licet a nobis non defendatur, tamen hic non est improbata, quia illi qui dicunt hoc, non dicunt stellam moveri per circulum, sed super circulum, et ideo non dividere ipsum.”; ID., De gen. et corr., II, tr. 3, c. 5, pp. 205-206: “Cum autem multiplex sit caelestis circulus, non tamen sunt nisi duo motus ipsorum in genere, scilicet motus planes et motus aplanes, ut dicit Aristoteles in undecimo primae philosophiae et sicut accipitur in propria philosophia astronomorum. Motus autem aplanes sive ordinatus est motus primi mobilis, qui diurnus dicitur, et est ab oriente in occidentem super polos mundi et super circulos aequidistantes, quorum maximus est circulus aequinoctialis. Et hic motus dicitur allatio unius proprie, quod affert generans, hoc est solem, et secundo alios planetas et tertio omnes stellas et quarto gradus totius orbis ab ortu in occidentem, qui motus est causa vitae et esse in quibusdam intantum, quod quorundam esse et vita ultra circulum istius motus non extenditur. Et ideo quaedam perficiuntur in esse in die, et corruptio eorum completur in nocte, sicut patet in pisce, qui dicitur dies vel effimera, quia eodem die naturali moritur et oritur. Alius autem motus est erraticus, qui motus planes vocatur, et est circuli signorum super polos zodiaci, qui distant a polis mundi per 23 gradus et 35 minuta.