Avicenna [Ibn Sīnā]

in Albert the Great, Super Porphyrium 4.1, p. 54.28-43

Occurrence of the quotation formula
Avicenna, p. 54.37
Paraphrase Neutral
Sicut autem de genere diximus quod non curavimus ponere nisi illas generis intentiones, quae ad illam generis significationem, quae apud philosophos est, aliquam habebant similitudinem, ita non curamus ponere intentionem speciei, quae non habet similitudinem ad intentionem speciei apud philosophos acceptam. Et ideo non curamus de primitiva specie vel derivativa, quae apud grammaticos consideratur, sed speciem in natura invenimus et in civilibus, secundum quam similitudo quaedam est ad speciei intentionem, quae est apud philosophos. Avicenna enim dicit, quod genus uniuscuiusque primum essentiale et informe subiectum est. Quod ‘primum’ dicitur, quia in eo est prima potentia et prima incohatio ad esse rei secundum substantiam et quiditatem ipsius; vel potius ipsum est prima potentia et incohatio esse rei, cuius est genus, et ideo est sicut materia propria et proxima.

Quoted text(s)

  • AVICENNA LATINUS, Liber de Philosophia prima sive Scientia divina, V-X. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1980., V, 3, p. 246.10-12
    [V, c. 3, p. 246.10-12] Dicemus ergo quod intentio quam significat hoc nomen genus non est genus nisi quantum ad formationem; si enim non fuerit informatum aliquo intellectu, non erit genus.
  • AVICENNA LATINUS, Liber de Anima seu Sextus de Naturalibus, I-II-III. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1972, I, 1, p. 18.18-19
    [I, c. 1, p. 18.18-19] Natura etenim generis imperfecta est et indeterminata, nisi perficiat eam natura.
  • F. HUDRY (with an introduction by A. de LIBERA), Avicennae Logica - Texte latin, édition critique et introduction doctrinale, Vrin, Paris 2018., I-10(11), p. 189
    [I-10(11), p. 189] Genus enim non est in natura differentiae nec proprietatis, sed est quasi subiectum eorum. Et non est intra essentiam eorum sed est corporatio eius ad illa sicut comparatio rei consequentis necessario, et non comparatio eius quod est intra substantiam eius.

References in current editions

  • Not identified