Avicenna [Ibn Sīnā]

in Albert the Great, Super Porphyrium 4.4, p. 65.48-59

Occurrence of the quotation formula
Avicenna, p. 65.55-56
Paraphrase Critical
Substantia enim perfectius genus est, et in ipso exempla sunt magis nota; substantia enim est quiddam et ipsa est genus, quia non habet cui ut generi supponatur, ut species fiat, et ideo tantum genus est et non species. Sub hac autem substantia est corpus sive substantia corporea. Sub corpore vero sicut sub genere est animatum corpus, sub quo sicut sub genere est animal. Sub animali vero sicut sub genere est animal rationale secundum Stoicos, quamvis Avicenna et Arabes dicant, quod animal rationale ut genus est ad homines et ad angelos. Quod falsum est, quia angelus nullo modo proprie est animal, sed dicitur animal aliquando propter vivere secundum intellectum.

Quoted text(s)

  • F. HUDRY (with an introduction by A. de LIBERA), Avicennae Logica - Texte latin, édition critique et introduction doctrinale, Vrin, Paris 2018., I-10(11), p. 193
    Illa autem divisio quam attribueru substantiae, perveniens usque ad hominem, non est recta, quamvis non impediat intelligi id quod intenditur. «Corpus enim habens animam», cum complectitur vegetabilia cum sensibilibus, non complectitur angelos nisi sola participatione nominis, ergo «corpus habens animam» non erit genus continens angelos. Similiter cum dicitur «rationale» homo et angelus, non erit hic nisi sola participatione nominis: rationale enim, quae est differentia praedicata de homine, non praedicatur de angelis. Et quandoquidem ita est, tunc «animal rationale» non est genus hominum et angelorum, nec «corpus habens animam» est genus hominum et angelorum, nec «corpus habens animam» est genus vegetabilium et angelorum et animalium. Et quandoquidem ita est: mortale non est differentia quam necesse sit poni in divisione animalis rationalis per hominem et non-hominem.

References in current editions

  • Not identified
Notes
Here Albert, most probably, evokes Avicenna's criticism on the matter