Averroes [Ibn Rušd]

in Albert the Great, Super Porphyrium 5.4, p. 91.3-14

Occurrence of the quotation formula
Averroes, p. 91.10
Paraphrase Neutral
Si enim materialis est, tunc oporteret quod per motum vel per mutationem educeretur de illa, quia, sicut dicit Aristoteles in prima philosophia libro v, potentia passiva sive materialis est principium transmutandi ex alio, secundum quod est aliud; et tunc oporteret assignare, quid esset movens in educendo huiusmodi potestatem ad actum, eo quod, sicut vult Aristoteles in ix philosophiae primae et Averroes in commento ibidem, nihil est in potentia in alio, nisi quod uno motore educitur de illo ad actum. Quid autem sit movens ad hoc quod potestas generis materialis in actum exeat, a Peripateticis non est assignatum.

Quoted text(s)

  • B. BÜRKE (ed.), Das neunte Buch (θ) des lateinischen grossen Metaphysik-Kommentars von Averroes, Francke Verlag Bern, Freiburg 1969, L. IX, text. comm. 12, p. 52.77-94
    [L. IX, comm. 12, p. 52.77-94] Deinde dixit: Et etiam omnia quorum principium etc., id est: Generabilia autem ex se illa eorum quae sunt in potentia, sunt omnia in quibus non est aliquid quod indiget primo motore extrinseco, ita quod sit in potentia illud. Deinde dixit: Ut sperma etc., id est: Ut sperma, quoniam non quando fuerit in alio, in quo indiget transmutante a quo transmutetur, et sic erit sperma, quoniam tunc non dicitur esse in potentia, verbi gratia quando sanguis est in venis, sed cum fuerit sperma in actu et habuerit virtutem per quam est sperma. Deinde dixit: Illud autem indiget etc., id est: Materia autem remota non est in potentia illud cuius est materia, quia indiget in hoc quod exeat in actum, alio motore ab eo quod generat illud quod est in potentia. Verbi gratia: Quoniam terra non est idolum in potentia, sed est cuprum in potentia, quoniam cum transmutatur a corpore caelesti, erit cuprum. Et cuprum est idolum in potentia, quia est illud quod ab uno motore fit idolum scilicet a faciente idola. Et intendit declarare hic, quod materia quae potest simpliciter, non indiget in hoc quod exeat in actum nisi uno motore. Materia autem quae non dicitur posse simpliciter sed per potentiam remotam, exit in actum per plures uno motore secundum remotionem aut pripinquitatem.
  • B. BÜRKE (ed.), Das neunte Buch (θ) des lateinischen grossen Metaphysik-Kommentars von Averroes, Francke Verlag Bern, Freiburg 1969, L. IX, text. comm. 13, p. 54.16-21
    [L. IX, text. comm. 13, p. 54.16-21] Quoniam in hoc homine qui est in actu, et triticum et videns, materia est ante secundum tempus et semen etiam et visum, quod est in potentia homo et triticum et videns. In actu autem non sunt ante. Sed quia sunt ante secundum tempus per alium actum et ex eo generantur, ista enim est semper: ex illo quod est in potentia, erit illud quod est in actu: ut homo ex homine et musicus ex musico, semper ex alio primo motore. Et motor est in actu ante.
  • B. BÜRKE (ed.), Das neunte Buch (θ) des lateinischen grossen Metaphysik-Kommentars von Averroes, Francke Verlag Bern, Freiburg 1969., L. IX, text. comm. 13, p. 56.66-72
    [L. IX, text. comm. 13, p. 56.66-72] Omne enim generatum movetur, et omne quod movetur, movetur a motore in actu ante ipsum. Deinde dixit: In actu vero non est ante etc., id est: Actus vero in hoc demonstrato non est ante potentiam secundum tempus. Deinde dixit: Sed quia est ante etc., id est: Quoniam illud quod est in potentia non fit in actu nisi per aliud quod est in actu illius speciei, ut homo ex homine et musicus ex musico. Omne enim generatum movetur a motore priore ipso in actu.

References in current editions

  • B. BÜRKE (ed.), Das neunte Buch (θ) des lateinischen grossen Metaphysik-Kommentars von Averroes, Francke Verlag Bern, Freiburg 1969, L. IX, text. comm. 7, p. 37, v. 29sqq
  • B. BÜRKE (ed.), Das neunte Buch (θ) des lateinischen grossen Metaphysik-Kommentars von Averroes, Francke Verlag Bern, Freiburg 1969., L. IX, text. comm. 20, p. 69, v. 48sqq