Avicenna [Ibn Sīnā]

in Albert the Great, Super Porphyrium 6.1, p. 109.53-70

Occurrence of the quotation formula
Avicenna, p. 109.62
Paraphrase Consensual
Oportet enim scire quod principia speciei substantiae sunt, quia species est substantia, quae fit ex principiis speciei. Non autem fit substantia ex non substantiis, et ideo principia speciei necessario sunt substantiae. Cum autem proprium sit de natura accidentis, quod non est pars esse substantialis, relinquitur quod principia suae essentiae essentialiter ipsum constituentia sint accidentia; haec tamen principia proprio essentialia causantur ab illis principiis, quae sunt speciei substantialia. Cuius exemplum dat Avicenna satis conveniens: ex hoc enim quod homo est animal rationale vel intellectuale, per principia homini essentialia consequitur quod sit admirativum de visis et auditis, et quod vehementis sit caloris et spiritus ad faciem, ubi sunt sensus perceptivi protensivum. Protensos autem calore et spiritu ad faciem sequitur faciei et membrorum in facie positorum dilatatio. Est igitur aptus natus ad ridendum, etiam si actu non rideat.

Quoted text(s)

  • AVICENNA LATINUS, Liber de Anima seu Sextus de Naturalibus, IV-V. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1968, V, 1, pp. 73.61-74.64
    De proprietatibus autem hominis est ut, cum apprehenderit aliquid quod rarissimum est, sequitur passio quae vocatur admiratio, quam sequitur risus, sed cum apprehenderit aliquid quod est noxium, sequitur passio quae vocatur anxietas, quam sequitur luctus.

References in current editions

  • AVICENNA LATINUS, Liber de Anima seu Sextus de Naturalibus, IV-V. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1968, V, 1, pp. 73.61-74.64