Avicenna [Ibn Sīnā]

in Albert the Great, Super Porphyrium 8.1, p. 122.5-18

Occurrence of the quotation formula
Avicenna, p. 122.11
Paraphrase Neutral
Et hoc quidem est accidens inseparabile. Similiter praedicatur moveri de homine et de equo et de individuis eorum, quod est accidens separabile. Sed, sicut dictum est, accidens principaliter praedicatur de individuis, secundo vero loco praedicatur de his speciebus quae continent sub se individua. Huic communitati Avicenna et Algazel addunt aliam ex ista causatam, quae similiter omnibus communis est universalibus, et est haec quod ‘quaecumque praedicantur de praedicato, omnia praedicantur etiam de subiecto’, ut si animal ut genus praedicatur de homine, omne quod substantialiter praedicatur de animali, praedicabitur substantialiter de homine, ut si animal est vivum et substantia, erit homo vivum et substantia.

Quoted text(s)

  • F. HUDRY (with an introduction by A. de LIBERA), Avicennae Logica - Texte latin, édition critique et introduction doctrinale, Vrin, Paris 2018., II-1, p.233-234
    Considerantes quod illi dixerunt, et incipiemus a comitantibus, dicentes quod communitas in qua conveniunt haec quinque est haec, scilicet quod universalia sunt, id est praedicabilia de pluribus. Sed omnia conveniunt in alio, videlicet quia quicquid praedicatur de praedicato eorum ut de subiecto, illud idem praedicatur de subiecto eorum. Natura enim generis generalissimi praedicatur de omni eo quo praedicatur genus subalternum; similiter genus differentiae ; similiter id quod praedicatur de proprio et accidente : coloratum enim, quod est genus albi, praedicatur de Socrate albo ; similiter visibile, quod est accidens albo, praedicatur de Socrate albo quoniam praedicatur de eius accidente communi : dicitur enim « album est visibile » ; similiter admiratio quae est genus risibilis. Omnia enim haec praedicantur univoce: ei enim de quo praedicantur attribuunt nomen suum et diffinitionem.

References in current editions

  • AVICENNA, Avicennae peripatetici philosophi ac medicorum facile primi opera in lucem redacta …, mandata ac sumptibus heredum nobilis viri domini Octaviani Scoti, Venetiis 1508., Logyca, Pars 2. C. 1, f. 10ra