Avicenna [Ibn Sīnā]

in Albert the Great, Super Porphyrium 8.2, pp. 122.53-123.8

Occurrence of the quotation formula
Avicenna, p. 123.2, 123.6
Paraphrase Neutral
Quod autem tam genus quam differentia praedicentur de pluribus speciebus, dicit Avicenna, quod quamvis non sit necessarium, tamen non est impossibile, quia in pluribus hoc invenitur. Dubium tamen quod ex hoc oriri posset, in praecedentibus est solutum tam ex parte generis quam ex parte differentiae; sed hoc certum est, quod dicit Avicenna quod, quantum est de aptitudine naturae, tam genus quam differentia in pluribus sunt speciebus.

Quoted text(s)

  • F. HUDRY (with an introduction by A. de LIBERA), Avicennae Logica - Texte latin, édition critique et introduction doctrinale, Vrin, Paris 2018., II-1, p.234-235
    Genus autem et differentia conveniunt in vulgato : natura enim generis debet praedicari de speciebus ; sed si non fuerit necesse, non tamen erit impossibile. Similiter non est impossibile naturam differentiae praedicari de pluribus speciebus. Sed est quiddam contrarium huic, quod iam expedivimus in praedictis. Exemplum autem huius posuerunt rationale, quod contineat multas species. Et tu nosti quid sit in hoc. Et — sicut nosti — non bene fecerunt in ponendo hoc exemplum. Rationale enim quamvis contineat plures species, non tamen illae species sunt propinquae illius, sed sunt species unius speciei quam constituit rationale cum adiungitur animali. Si autem nolunt hoc dicere de speciebus propinquis, sed de speciebus quibuscumque, tunc oportet ut non obliviscantur huius, cum assignaverint communitatem inter genus et speciem : aliqua enim specierum est quae continent plures species. Ipsi vero non ponunt hoc communitatem esse inter genus et speciem. Communitas autem secunda divulgata haec est quod genus et differentia conveniunt in hoc quod quicquid praedicatur de illis in quid, praedicatur etiam de illis speciebus quae continentur sub ipsis. Tu autem nosti quod haec communitas non est propria generis et differentiae, sed est communis etiam aliis. Si autem dicitur quod id quod praedicatur de illis in quid praedicatur etiam de hiis quae continentur sub illis in quid, hoc nondum manifeste dictum est, et tamen, si diceretur, verum esset, si intelligatur « praedicari in quid » aliud quam praedicari ad interogationem factam per ‘quid?'— sicut in proximo ostendemus.

References in current editions

  • AVICENNA, Avicennae peripatetici philosophi ac medicorum facile primi opera in lucem redacta …, mandata ac sumptibus heredum nobilis viri domini Octaviani Scoti, Venetiis 1508., Logyca, Pars 2. C. 1, f. 10ra