Avicenna [Ibn Sīnā]

in Albert the Great, Super Porphyrium 8.5, p. 127.9-17

Occurrence of the quotation formula
Avicenna, p. 127.15
Paraphrase Consensual
Differunt autem prima differentia sumpta ex ambitu communitatis eorum, ex eo quod genus continet sub se species, species vero continentur et non continent genera per talem continentiae modum, quamvis contineant genera alio modo, ut scilicet pars essentialis, quae est quasi materia, continetur a toto composito. Et hoc est hic interpositum ex dictis Avicennae. Probatio autem huius differentiae est quod genus in pluribus est secundum ambitum suae communitatis quam species, sicut patet ex antedictis.

Quoted text(s)

  • F. HUDRY (with an introduction by A. de LIBERA), Avicennae Logica - Texte latin, édition critique et introduction doctrinale, Vrin, Paris 2018., II-2, p. 243
    Prima communitas divulgata inter genus et speciem est communitas quam habebat cum differentia, scilicet quoniam utraque priora sunt eis de quibus praedicantur, scilicet eis quorum sunt genus et species. Secunda est communitas generalis, scilicet quoniam unumquodque eorum est universale. Et qui hanc communitatem assignavit indicat quod haec communitas generalis est, quam iterum repetit. Si autem hic aliter voluit accipi « universale », tunc debet intelligi « praeter universale absolutum », scilicet universale quod est commune esse suorum singularium. Prima quoque differentia est illa quam habebat cum differentia, scilicet quia species continetur sub genere, genus vero non continetur sub specie.

References in current editions

  • AVICENNA, Avicennae peripatetici philosophi ac medicorum facile primi opera in lucem redacta …, mandata ac sumptibus heredum nobilis viri domini Octaviani Scoti, Venetiis 1508., Logyca, Pars 2. C. 1, f. 10va