Avicenna [Ibn Sīnā]

in Albert the Great, Super Porphyrium 8.7, p. 131.14-22

Occurrence of the quotation formula
Avicenna, p. 131.21
Paraphrase Neutral
Differentia autem est inter genus et accidens. Prima quidem, quoniam genus sicut principium est ante species de quibus praedicatur, sicut principium est ante id cuius est principium. Accidentia vero posteriora sunt speciebus et individuis de quibus praedicantur; quamvis enim aliquod accidens sit inseparabile, tamen secundum naturam prius est illud cui accidit quam ipsum accidens. Subiectum enim oportet quod sit ens in se completum, ut dicit Avicenna, antequam sit occasio vel causa quod accidens sit in ipso.

Quoted text(s)

  • F. HUDRY (with an introduction by A. de LIBERA), Avicennae Logica - Texte latin, édition critique et introduction doctrinale, Vrin, Paris 2018., II-2, p. 247
    Genus vero et accidens conveniunt in hoc quod unumquodque eorum praedicatur de pluribus. Sed haec communitas est generalis. Qui saltim si diceret « pluribus differentibus specie », assignaret communitatem propriam inter genus et accidens tantum, licet non assignaret aliquam aliam communitatem. Prima vero differentia est quod genus prius est specie — sicut iam nosti — species vero prior est eo quod sibi accidit. Si enim quod ei accidit provenit ab eius specialitate, tunc specialitas iam constituta est ex sua differentia et deinde accidit ei quicquid accidit — quod iam aperte exposuimus. Si vero fuerit de accidentibus extrinsecus, species prius erit iam facta subiectu et apta ad recipiendum ipsum accidens extrinsecus. Haec autem differentia est etiam inter genus et proprium.

References in current editions

  • AVICENNA, Avicennae peripatetici philosophi ac medicorum facile primi opera in lucem redacta …, mandata ac sumptibus heredum nobilis viri domini Octaviani Scoti, Venetiis 1508., Logyca, Pars 2. C. 2, f. 11ra