Avicenna [Ibn Sīnā]

in Albert the Great, Super Porphyrium 8.11, pp. 138.59-139.8

Occurrence of the quotation formula
Avicenna, p. 139.3
Paraphrase Neutral
Si tamen esset proprium speciei subalternae, quae est genus ad aliud, non esset impossibile esse proprium illarum specierum, quae continentur sub illa, ut dicit Avicenna. Unde in hac differentia accipit Porphyrius speciem non specialissimam, quod ante in assignatione differentiarum non fecit; proprium autem refert ad speciem specialissimam, cum ante posuerit subalternam. Et ideo quod dixit non satis est secundum artem dictum.

Quoted text(s)

  • F. HUDRY (with an introduction by A. de LIBERA), Avicennae Logica - Texte latin, édition critique et introduction doctrinale, Vrin, Paris 2018., II-3, pp. 256-257
    Convenit autem species cum vero proprio in hoc quod de se conversim praedicantur. Et in hoc quod utraque semper et simul habet subiectum. Differunt autem in hoc quod id quod est species alicuius fit genus alterius, proprium vero non fit proprium alterius. Haec autem differentia nimis dissoluta est, primum quia in praemissis non consideravit differentiam quae est inter speciem quae est sub genere et aliud, sed semper intendit de specie specialissima. Nunc autem praetermittit illud et intendit de specie quae est sub genere — quod adhuc parum erat. Sed si diceret quod « species alicuius aliquando fit proprium alterius, proprium vero non fit species », conveniens esset differentia, sed iudicium de specie esset falsum. Si vero diceret quod « species alicuius fit genus alterius, proprium autem nullius fit genus », congrue etiam diceretur hoc, sed iudicium de proprio esset falsum. Sed sicut species non specialissima fit genus, similiter proprietas speciei non specialissimae fit genus. Est enim proprietas speciei superioris et est genus suarum specierum, sicut color qui est proprietas et genus. Si autem diceret quod « species alicuius aliquando fit proprietas alterius, proprietas vero alicuius non fit proprietas alterius », esset conveniens.

References in current editions

  • AVICENNA, Avicennae peripatetici philosophi ac medicorum facile primi opera in lucem redacta …, mandata ac sumptibus heredum nobilis viri domini Octaviani Scoti, Venetiis 1508., Logyca, Pars 2. C. 2, f. 11va