Averroes [Ibn Rušd]

in Albert the Great, Metaphysica III.3.5, p. 144.59-72

Occurrence of the quotation formula
Averroes, p. 144.61, 144.71
Digression Critical
Haec igitur est disputatio et causa praeinductae quaestionis, quam aliter in praecedentibus disputavimus sequentes Averroem, qui in alio eam intellectu exponit. Et videtur sua expositio verum Aristotelis intellectum non tangere, quia parum est quaerere, utrum unus et idem modus sciendi sit subiectum scire et accidens. Et talis quaestio non est de principiis, sed, prout hic disputatur, quaestionis habet rationem et est de principiis. Adhuc autem non est inconveniens passionem concludi de subiecto per diffinitionem subiecti, si subiectum non ut subiectum tantum, sed ut subiectum et causa passionis diffiniatur, quod tamen Averroes habet pro inconvenienti.

Quoted text(s)

  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562 , L. III, text. Comm. 6, f. 44C-D
    D[einde] dedit exemplum, sicut diximus, si corpus est substantia etc. I[dest] v[erbi] g[ratia] si corpus et superficies, et lineae sint substantiae, ut quidam dicunt, utrum cognitio istarum rerum, et cognitio accidentium, quae accidunt unicuique istorum generum, in quibus consyderant scientiae Mechanicae sint unius scientiae, i[dest] unius artis, aut per unam viam: aut cognitio accidentium istarum rerum est scientiae alterius a scientia istarum rerum, s[cilicet] corporum. Et superficierum, et linearum, quas posuimus esse substantias. D[einde] d[edit] dubitationem contingentem, si posuerimus quod cognitio eorum est unius artis, et d[ixit]: Quoniam, si cognitio eorum fuerit unius scientiae etc. I[dest], sed si posuerimus quod cognitio eorum est unius artis, tunc definitiones eorum cognoscuntur per demonstrationes simplices. D[einde] d[ixit] sed nos non existimamus etc. I[dest] sed non existimamus quod demonstratio potest fieri de quiditate substantiarum, s[cilicet] de definitione earum, et sit de quiditate accidentium. Et cum dedit dubitationem contigentem, si posuerimus quod scientia eorum est una, dedit etiam inopinabile contingens, si posuerimus quod scientia eorum sunt duae, et d[ixit]: Et si scientia accidentium etc. I[dest] quod dicere quomodo differunt hae duae scientiae, valde est difficile, s[cilicet] quod ars, quae consyderat de substantia, est alia ab ea, quae consyderat de accidentibus.

References in current editions

  • AVERROES, Metaphysica. Tomus octavus operum Aristotelis Stagiritae. Peripateticorum Principis, universam illam scientiam complectens : quam Metaphysicam vocant vel sapientiam, quatuor decim digestam libris. Cum Averrois Cordubensis duplici expositione ... . Partiti euimus suae unicuique particuļe ... . Apposita sunt Aurea illa eipthomata metaphysicae quatuor secta tractatibus & ipsius Theophrasti librum Metaphysiciorum, Cominus de Tridino Montisferrati, Venezia 1560., L. III, text. comm. 4
Bibliographical notes
Edition updated and source corrected by A. BERTOLACCI.