Philosophi Peripatetici [al-Ġazālī, Ibn Sīnā]

Quoted text(s)

• J. MUCKLE, Algazel’s Metaphyiscs : A Mediaeval Translation, St. Michael’s College, Toronto 1933, p. 170.8-16
  [p. 170.8-16] Estimativa est virtus apprehendens de sensato quod non est sensatum sicut ovis apprehendit inimicicias lupi; hoc autem non fit per oculum, sed per aliam virtutem, que hoc est brutis animalibus, quod est intellectus homini. Memorialis vero est conservatrix | harum intencionum, quas apprehendit estimativa, et ideo est archa intencionum sicut imaginativa, conservatrix formarum est archa formarum, et hec due scilicet, estimativa, et memorialis sunt in posteriore parte cerebri.
• E. ST. CLAIR, Algazel on the Soul : A Critical Edition, « Traditio », 60, 2005, pp. 60-84, p. 69.220-227
  [p. 69.220-227] Aestimativa est virtus apprehendens de sensato quod non est sensatum, sicut ovis apprehendit inimicitias lupi. Hoc autem non fit per oculum sed per aliam virtutem, quae hoc est brutis animalibus quod est intellectus homini. Memorialis vero est conservatrix harum intentionum quas apprehendit aestimativa, et ideo est archa intentionum, sicut imaginativa conservatrix formarum est archa formarum. Et hae duae, scilicet aestimativa et memorialis, sunt in posteriore parte cerebri.
• AVICENNA LATINUS, Liber de Anima seu Sextus de Naturalibus, I-II-III. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1972, I, 5, pp. 89.44-90.60
  [I, 5, pp. 89.44-90.60] Post hanc est vis quae vocatur imaginativa comparatione animae vitalis, et cogitans comparatione animae humanae; quae est vis ordinata in media concavitate cerebri ubi est vermis, et solet componere aliquid de eo quod est in imaginatione cum alio et dividere aliud ab alio secundum quod vult. Deinde est vis aestimationis; quae est vis ordinata in summo mediae concavitatis cerebri, apprehendens intentiones non sensatas quae sunt in singulis sensibilibus, sicut vis quae est in ove diiudicans quod ab hoc lupo est fugiendum, et quod huius agni est miserendum; videtur etiam haec vis operari in imaginatis compositionem et divisionem. Deinde est vis memorialis et reminiscibilis; quae est vis ordinata in posteriori concavitate cerebri, retinens quod apprehendit vis aestimationis de intentionibus non sensatis singulorum sensibilium. Comparatio autem virtutis memorialis ad virtutem aestimationis talis est qualis comparatio virtutis quae vocatur imaginatio ad sensum, et comparatio huius virtutis ad intentiones est qualis comparatio illius virtutis ad formas sensibiles. Hae sunt vires animae vitalis vel sensibilis.
• AVICENNA LATINUS, Liber de Anima seu Sextus de Naturalibus, IV-V. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1968., IV, 1, p. 10.20-34
  [IV, 1, p. 10.20-34] Et aliquando perveniet ab intentione ad formam, et memoria habita non habebit comparationem ad id quod est in thesauro retinendi, sed ad id quod est in thesauro imaginandi; et erit eius conversio, aut ex hoc quod convertitur ad intentiones quae sunt in retentione, ita ut intentio faciat formam necessario apparere et convertetur iterum comparatio ad id quod est in imaginatione, aut propter conversionem ad sensum. Exemplum autem primi est quod, cum oblitus fueris comparationis tuae ad aliquam formam quam iam tu scieras, considerabis actionem quae appetebatur per illam et, cum scieris actionem et inveneris eam, scies quem saporem aut quam figuram aut quem colorem debebat habere, et revocabitur comparatio; et cum posueris hoc, acquiretur comparatio ad formam quae est in imaginatione et restitues comparationem in memoriam. Thesaurus enim intellectus memoria est, quae retinet intentionem.

References in current editions

• None