Averroes [Ibn Rušd]

in Albert the Great, Metaphysica VI.2.6, p. 312.33-38

Occurrence of the quotation formula
Averroes, p. 312.33
Digression Critical
Et sic patet, quod iniuste Averroes reprehendit eos qui dicunt omnia procedere ab intellectu activo sicut a tabula inscripta formis omnium, quamquam exemplum de tabula non satis conveniens sit activo intellectui, sed de possibili intellectu possit habere aliquid convenientiae.

Quoted text(s)

  • F. S. CRAWFORD ed., Averrois Cordubensis Commentarium magnum in Aristotelis De Anima libros, The Mediaeval Academy of America, Cambridge, Massachusetts 1953., L. III, text. comm. 5, p. 395
    Et ista opinio in substantia intellectus materialis maxime distat a verbis Aristotelis et ab eius demonstratione; a verbis autem ubi dicit quod intellectus materialis est separabilis, et quod non habet instrumentum corporale, et quod est simplex et non patiens, idest non transmutabilis, et ubi laudat Anaxagoram in hoc quod dixit quod est non mixtus cum corpore; a demonstratione vero sicut scitum est in hoc quod scripsimus. Alexander autem exponit demonstrationem Aristotelis a qua conclusit intellectum materialem esse non passivum, neque aliquid hoc, neque corpus neque virtutem in corpore, ita quod intendebat ipsam preparationem, non subiectum preparationis. Et ideo dicit in suo libro de Anima quod intellectus materialis magis assimilatur preparationi que est in tabula non scripta quam tabule preparate; et dicit quod ista preparatio potest dici vere quod non est aliquid hoc, neque corpus neque virtus in corpore, et quod non est passiva. Sed hoc quod dixit Alexander nichil est. Hoc enim vere dicitur de omni preparatione, scilicet quod neque est corpus neque forma hec in corpore. Quare igitur appropriavit Aristoteles hoc preparationi que est in intellectu inter alias pfeparationes, si non intendebat demonstrare nobis substantiam preparati sed substantiam preparationis? Sed impossibile est dicere quod preparatio est substantia, cum hoc quod dicimus quod subiectum istius preparationis neque est corpus neque virtus in corpore. Et est illud quod conclusit demonstratio Aristotelis alia intentio ab ea secundum quam dicitur quod preparatio neque est corpus neque virtus in corpore. Et hoc manifestum est ex demonstratione Aristotelis.

References in current editions

  • AVERROES, De anima. Tomus septimus operum Aristotelis Stagiritae. Peripateticorum principis, praestantiorem adferens naturalis philosophiae partem, inqua de Anima, potentiis, & functionibus eius differitur: Parva (quae vocant) naturalia, cu[m] Aver. Co[m]mentatione. libros de Animalium generatione, cu[m] eiusdem Aver. paraphrasi. Demum, ut totum quod huic sectioni utile dignoscitur studioso lectori prestemus, phisiognomicos, de Spiritibus, de Coloribus anneximus libellos, a maioribus Aristoteli ascriptos, Nec non Quesitum illud non ignobile Augustini Suessani de Sensu agente. Huic scienti̧e plurimum coducens. Cominus de Tridino Montisferrati, Venezia, 1560, L. III, text. comm. 5, f. 100A
  • F. S. CRAWFORD ed., Averrois Cordubensis Commentarium magnum in Aristotelis De Anima libros, The Mediaeval Academy of America, Cambridge, Massachusetts 1953., CCAA 6,1, p.395