Averroes [Ibn Rušd]

in Albert the Great, Metaphysica VII.1.4, p. 320.22-26

Occurrence of the quotation formula
Averroes, p. 320.24
Paraphrase Consensual
Propter quod substantia recipitur in eius diffinitione, et, sicut bene dicit Averroes, omne quod constituit aliquid in esse, est diffinitivum ipsius. Propter quod accidentis essentia nulla est secundum se accepta.

Quoted text(s)

  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562 , L. VII, text. comm. 4, f. 154K-M
    Et cum narravit quod substantia est prior caeteris praedicamentis. Et hoc intendebat per principale, et primum dicitur multis modis, incoepit declarare quot modis praecedat substantia accidentia, et d[ixit]: et primum dicitur multis modis. I[dest] et primum, quod est prius dicitur multipliciter. Et substantia est primum omnium secundum definitionem, et cognitionem, et secundum tempus. D[einde] dedit causam in hoc, et d[ixit]: nullum enim praedicamentum, etc. I[dest] et substantia est prior his tribus modis: quoniam nullum accidentium est separabile, et ipsa sola est separabilis. Et hoc intendebat cum d[ixit] enim de substantia. Et dixit hoc, quia declaratum est, quod universalia accidentium sunt illa, quae dicuntur in subiecto. Et cum dixit eam esse primam secundum definitionem, dedit modum, et d[ixit]: et est etiam prima secundum definitionem, etc. I[dest] et diximus quod substantia est prior definitione cuiuslibet accidentium: quoniam necesse est ut substantia accipiatur in definitione cuiuslibet accidentium. Quoniam partes definitionum sunt illa, per quae constituitur res: et quia accidentia constituuntur per substantias, necesse fuit ut accipiantur in definitionibus eorum: et in definitionibus substantiarum non accipitur aliquid extra suam naturam, cum causae suae accipiantur in suis definitionibus, quae sunt substantiae.

References in current editions

  • AVERROES, Metaphysica. Tomus octavus operum Aristotelis Stagiritae. Peripateticorum Principis, universam illam scientiam complectens : quam Metaphysicam vocant vel sapientiam, quatuor decim digestam libris. Cum Averrois Cordubensis duplici expositione ... . Partiti euimus suae unicuique particuļe ... . Apposita sunt Aurea illa eipthomata metaphysicae quatuor secta tractatibus & ipsius Theophrasti librum Metaphysiciorum, Cominus de Tridino Montisferrati, Venezia 1560., L. VII, text. comm. 4, f. 189F