Averroes [Ibn Rušd]

in Albert the Great, Metaphysica XI.3.3, p. 538.16-24

Occurrence of the quotation formula
Averroes, p. 538.22
Paraphrase Critical
Cum hoc tamen dixerunt iam quidam, quod non intendit inferiorum generationem per motum suum, sed intendit se assimilare intelligentiae, quae causa est universorum. Hanc autem causalitatem dicunt esse in hoc, quod sicut primus motor causa est per seipsum universorum, ita caeli sint causa per motum. Et hoc est dictum Averrois et nihil penitus valet, sicut cuilibet patet qui ea quae praedicta sunt, bene intelligit et advertit.

Quoted text(s)

  • AVERROES, Sermo de substantia orbis, Destructio destructionum philosophiae Algazelis, De anima beatitudine seu Epistola de intellectu, Venetiis Apud Iunctas 1562, c. 4, f. 10F-G
    [De Substantia orbis] Et, cum consyderavit de istis virtutibus appetitivis coelestibus, invenit eas moveri ad appetibile nobilius ipsis. Et, cum consyderavit in virtutibus appetitivis coelestibus, invenit eas esse finitarum potentiarum. Et, cum consyderavit in continuatione motus earum, fuit declaratum, quod causa continuationis in motus earum non est ista virtus, qua movetur, sed illud, quod largitur ei continuationem, est aliquid appetibile. Et, quia continuatio non provenit nisi a motore non moto, sequitur quod istud movens neque est corpus neque potentia in corpore et quod est intelligentia abstracta: quod etiam declaratum est in lib[ro] de anima. S[cilicet] quod omne quod est tale est intelligentia abstracta, et quod istud corpus coeleste intelligit hanc intelligentiam: intelligentia enim transmutat ipsum secundum hoc desyderium.
  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562., L. XII, text. comm. 36, f. 319C-D
    [Metaphysica] Et intendebat, quod si motor corporum coelestium est magis bonus omnibus, necesse est ut sit desyderatus magis bonis omnibus. Et intendebat, cum d[ixit]. Et non existimatur, quia desyderamus distinguere inter desyderium intellectus et sensus. In quo enim appetitus sensuum non dominatur super intellectum, reputatur desyderatum esse bonum, quia est desyderabile. Et omnia ista d[ixit] ad declarandum, quod corpora coelestia, cum habent appetitum propter intellectum: intellectus autem maius bonum ipso appetit: contingit necessario, quod corpora coelestia appetunt in hoc motu, aliquid magis bonum ipsis. Et cum illa sunt nobilissima corpora sensibilium et meliora, necesse est ut illud bonum, quod appetunt, sit nobilissimum entium, et maxime quod appetit totum coelum in motu diurno.

References in current editions

  • AVERROES, De coelo. Tomus Quintus operum Aristotelis Stagiritae, peripateticorum principis : eam Naturalis Phylosophiae partem complectens ... Mistorum principia, Naturas, magnitudines, passiones, & morus sigillatim demonstrat ... . De Coelo et Mundo arist. Lib. IIII. de Generatione & Corruptiuone eiusdem lib. II. Necnon Auerr. de Substantia orbis. Cominus de Tridino Montisferrati, Venezia 1560., De Substantia orbis, c. 1, f. 321D
Bibliographical notes
Edition updated and source corrected by A. BERTOLACCI.