Commentator [Ibn Rušd]

in Albert the Great, Metaphysica I.4.4, p. 52.27-36

Occurrence of the quotation formula
Commentator, p. 52.32-33
Paraphrase Neutral
Et ideo haec et media et alterabilia et imparia sibi et multarum formarum esse dixerunt, quoniam curvum habet tres formas, recti et concavi et convexi, rectum autem tantum unam. Secundum autem ordinem inferioris ad superius ponebant lucem et tenebras, quoniam secundum commentatorem cum perpetuo superius corpore participant ista. Quae enim participant in actu et potentia perspicuum, luminosa sunt et lucent, sicut dixerunt lucere ignem.

Quoted text(s)

  • AVERROES, Sermo de substantia orbis, Destructio destructionum philosophiae Algazelis, De anima beatitudine seu Epistola de intellectu, Venetiis Apud Iunctas 1562 , c. 2, f. 7 I-M
    Et primum istorum est motus localis, et diaphaneitates et qualitates, quas sequuntur ista, s[cilicet] raritas et densitas. Videtur enim quod raritas et densitas causae sint fere diaphaneitatis et non diaphaneitatis. Sed tamen dicuntur utraeque in utroque corpore secundum prius et posterius, sicut dicitur corporeitas. Et similiter conveniunt in illuminatione et obscuritate. Sed haec magis videntur dici aequivoce, quam secundum prius et posterius. Lux enim videtur fieri in hoc corpore igneo diaphano simplici, quod est in concavo orbis Lunae, quando agit in corpore denso et admiscetur cum eo. At causa illuminationis partium corporis coelestis, scilicet stellarum videtur esse densitas illius partis diaphanae in actu ex orbe. Et hoc apparet in stellis quae eclipsant se ad invicem, et hoc bene apparet in Luna. Et, cum ita sit, stellarum et coeli substantia est eadem natura, secundum quod omnes Antiqui dicunt, et ut narravit Aristoteles in lib[ro] Coeli: et corpus coeleste secundum hod est diaphanum per se in actu, e contrario corporibus diaphanis, quae sunt hic, quae sunt diaphana in actu apud praesentiam lucis. Et partes diversantur in hoc in diaphaneitate, et non diaphaneitate, ita quod in eis sit aliquid simile colori, sicut in galatia. Et Luna videtur esse densa, et obscura et recipiens lumen ab alio, scilicet a Sole. Et in libro de Animalibus dixit Aristo[teles], quod natura eius est unigenea natura terrae plusquam caeterarum stellarum. Et forte corpora coelestia diversantur in raritate et densitate, quae sunt causae illuminationis, et obscuritatis, licet haec non inveniantur nisi in Luna tantum. Secundum igitur hoc est intelligenda, ut mihi videtur, dispositio et illuminatio corporum coelestium. Et de accidentibus convenientibus corpori coelesti, et generabilibus et corruptibilibus, est calefacere.

References in current editions

  • AVERROES, De coelo. Tomus Quintus operum Aristotelis Stagiritae, peripateticorum principis : eam Naturalis Phylosophiae partem complectens ... Mistorum principia, Naturas, magnitudines, passiones, & morus sigillatim demonstrat ... . De Coelo et Mundo arist. Lib. IIII. de Generatione & Corruptiuone eiusdem lib. II. Necnon Auerr. de Substantia orbis. Cominus de Tridino Montisferrati, Venezia 1560, De Substantia orbis, c. 2, f. 323
Bibliographical notes
Edition updated by A. BERTOLACCI.