Peripatetici [al-Ġazālī, Ibn Sīnā]

in Albert the Great, Metaphysica V.6.5, p. 285.60-77

Occurrence of the quotation formula
Peripatetici, p. 285.66
Digression Neutral
Cum enim omnia, sicut iam multotiens diximus, sint in intellectu primae causae sicut in formali et primo lumine et ipsa sit hoc modo forma omnium, quae tamen sunt in ipsa vita et lux, eo quod hoc est vita quaedam existentibus omnibus, et est lumen omnis notitiae et rationis omnium: dixerunt tam Stoici quam Peripatetici huiusmodi causas universalia esse prima et rationes et formas, qua omnium sunt formae, universaliter praehabentes et immaterialiter habentes et simpliciter habentes omnium apud se rationes. Conceptus autem et notio universaliter habens et simpliciter et immaterialiter vocatur universale. Hoc igitur modo acceptum universale habet quoddam esse speciale quod est esse causae intellectualis hoc modo quo lumen intellectus eius est forma rerum a se fluentium per intellectum universaliter agentem et facientem existentias rerum.

Quoted text(s)

  • J. MUCKLE, Algazel’s Metaphyiscs : A Mediaeval Translation, St. Michael’s College, Toronto 1933, p. 184. 13.33
    [p. 184. 13.33] Secundum est, quomodo fiunt in anima intellectus abstracti, et intenciones universales. Quoniam imaginata sensibilia nisi presententur in fantasia, non provenient ex eis intenciones universales abstracte, sed ille in principio puericie sunt quasi forme tenebrose. Cum vero completa fuerit aptitudo anime, irradiat lumen intelligencie agentis super formas presentes in fantasia, et proveniunt ex eis in animam universalia abstracta, sic quod ex forma Petri apprehendit hominem universalem. Et ex hac arbore, arborem universalem, et de ceteris similiter; sicut ex formis coloratorum, cum sol irradiat super ea, contingunt exempla in sanis visibus. Sol igitur est exemplum intelligencie agentis, et exemplum prudencie anime est virtus visionum; ymaginatorum autem in fantasia exemplum sunt sensibilia que in tenebris sunt sensibilia, et visibilia in potencia. Occulus autem in tenebris videns est in potencia, nec exit ad effectum nisi per causam scilicet, per irradiacionem solis. Similiter ibi. Interim enim dum irradiaverit hoc lumen, virtus intelligibilis discernit inter formas receptas in fantasia, accidentale ab essenciali, et discernit ipsum esse rei a rebus extraneis, et expoliatum ab extraneis, que non sunt essen | cialia recipit.
  • AVICENNA LATINUS, Liber de Philosophia prima sive Scientia divina, V-X. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1980, VIII, 6, p. 419.00-4
    [VIII, 6, p. 419.00-4] Quia enim primus novit causas et quae continentur sub eis, tunc etiam novit necessario id ad quod reducuntur, et tempora quae sunt inter ea, et quotiens reducuntur; impossibile est enim ut sciat illa et nesciat ista; est igitur apprehendens res particulares inquantum sunt universales.
  • AVICENNA LATINUS, Liber de Philosophia prima sive Scientia divina, V-X. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1980., X, 1, p. 525.68-72
    [X, 1, p. 525.68-72] Cum autem cognita tibi fuerint prima, inquantum sunt prima, et dispositio eorum in suo descensu ad sequentia, scies secunda necessario, et ex his nosti quod animae caelestes et quod est supra eas sciunt particularia. Eius autem quod est supra eas cognitio de illis est modo universali;

References in current editions

  • None