Thebit [Ṯābit ibn Qurra]

in Albert the Great, Metaphysica XI.2.24, p. 514.20-29

Occurrence of the quotation formula
Thebit, p. 514.27
Digression Neutral
Ista autem opinio ponit excentricos et epicyclos et centra diversa, et in summa colligitur in quinquaginta motibus, quorum tres sunt octavae sphaerae: unus quidem, qui est diurnus, et secundus, qui est imaginum et stellarum motus, qui est ab occidente in orientem in centum annis gradu uno, et tertius, quem invenit Thebit, qui dicitur ‘motus accessionis et recessionis’ capitis arietis et librae super diametrum octo graduum fere, qui est de aquilone in austrum et e converso.

Quoted text(s)

  • F. J. CARMODY, Thābit ibn Qurra (Thebit), De motu octaue spere: Version M, in: F. J. CARMODY ed., The Astronomical Works of Thabit b. Qurra, University of California Press, Berkeley/Los Angeles 1960, pp. 102–107., sections 5-9, pp. 102-103
    |5| Et hec quidem declinatio est apud differentiam communem equatoris diei et orbis decliuis, et est locus in quo est caput Arietis et Libre. |6| Hec autem declinatio que est orbis decliuis in orbe signorum non est fixa secundum habitudinem unam, sed diuersificatur ; quandoque enim cooperit superficies orbis decliuis orbis signorum orbem decliuem equatoris diei, et quandoque est medietas orbis decliuis in orbe signorum septentrionalis et quandoque meridiana. |7| Et motus quidem huius declinationis orbis signorum a meridie ad septentrionem et a septentrione ad meridiem non est in linea recta sed in circulo cuius centrum est differentia communis equatoris diei et circuli orizontis et circuli orbis decliuis; et huius circuli diameter est 8° et 37' et 26''. Et hic quidem motus est dictus motus accessionis et recessionis. |8|Et manifestum est quod cum positum fuerit in differentia communi dicta centrum circuli parui predicti, et fuerit caput Arietis orbis signorum coniunctum circumferentie circuli parui, et reuoluetur super eam, tunc figurabitur in puncto ei opposito in occidente in differentia communi equatori diei et circulo orizontis et orbi decliui circulus ei similis, et erit motus capitis Libre super ipsum. |9| Et illud est quoniam cum caput Arietis fuerit in parte septentrionis ab orbe decliui in equatore diei, tunc caput Libre erit in parte meridiei ab eo ; et cum fuerit caput Arietis in parte meridiei tunc erit caput Libre in parte septentrionis ab eo; et cum fuerit caput Arietis in supremo circuli parui supra orizonta, tunc caput Libre erit in infimo circuli alterius sub orizonte. Et illud est quoniam longitudo que est inter caput Arietis et Libre numquam est nisi quantitas medietatis orbis.

References in current editions

  • De motu octauae sphaerae sive De motu accessionis et recessionis (No specific edition mentioned), No reference
Notes
The Latin text of the De octave is taken from: https://www.arabic-latin-corpus.philosophie.uni-wuerzburg.de/text/Thab_OctSphe_M_la.xhtml#102_1