Subtiliores Peripateticorum [Ibn Rušd, Ibn Sīnā]

in Albert the Great, Metaphysica VII.2.9, pp. 350.62-351.6

Occurrence of the quotation formula
Subtiliores Peripateticorum, p. 351.2
Paraphrase Neutral
Est autem haec formativa virtus, quae radicatur in substantia, quae est quiditas seminis, secundum quod ipsum semen est et in genere causae efficientis et non materiae; sic enim habet virtutes omnium partium similium et dissimilium. Et ideo virtus eius est sicut virtus intellectus activi sive practici; omne enim quod ad similitudinem sui diversa operatur secundum formam et speciem, est principium operationis sicut intellectus et non sicut natura, quae unum solum operatur. Virtutem autem illam constat valde diversa secundum formam et speciem operari. Et ideo diximus, quod haec virtus a quibusdam philosophis vocatur intellectus in semine, et hoc diximus et declaravimus in xvi libro de animalibus. Unde etiam haec virtus vocatur artifex, et propter vim creatricem, quam habet in formis membrorum et virtutibus eorundem, a nonnullis vocatur divina. Et ab his qui subtiliores sunt Peripateticorum, vocatur anima et artifex, anima quidem, quia omnia quae operatur, facit ad vitae potentias, artifex autem, quia omnia conducit et producit ad modum intellectus artificis, qui est forma eorum quae producit.

Quoted text(s)

  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562, L.VII. text. comm. 31, f. 181 E-F
    [L.VII. text. comm. 31, f. 181 E-F] Et ideo d[icit] Arist[oteles] in libro de Animalibus quod hae sunt similes intellectui, s[cilicet] quia agunt actiones intellectuales. Et istae virtutes assimilantur intellectui in hoc, quod non agunt per instrumentum corporale. Et in hoc differunt istae virtutes generantivae, quas Medici vocant formativas a virtutibus naturalibus, quae sunt in corporibus animalium. Istae enim agunt non actione intellectus operativi, sed agunt per instrumenta terminata et membra propria.
  • AVICENNA, Liber canonis medicinae, ed. Venetiis 1507., III, fen. 20, tr. 1, cap. 3, f. 352r
    [III, fen. 20, tr. 1, cap. 3, f. 352r] Virtus enim formativa in spermate masculi intendit informando ad similitudinem eius a quo separatum est. […] Et virtus informativa in spermate mulieris intendit separatim in recipiendo formam ad hoc quod recipiat eam secundum similitudinem eius a quo separatum est.

References in current editions

  • None
Notes
Cf. ALBERTUS MAGNUS, Ethica, ed. BORGNET, Vives, Paris 1891, I, 9, 4: Antiqui animam intellectum vocabant ut arteficem. Posterius autem, videntes quod anima aequivoce dicitur de tali, et de ea quae est ut actus, mutaverunt dictiones. Et illam quidem quae inest ut artifex, vocaverunt virtutem formativam. Aliam quae inest ut actus, vocaverunt animam: praecipue quia viderunt quod etiam Plato qui inter Philosophos super alios multus emicuit, propter hanc aequivocationem deceptus erravit.