Sententia Peripateticorum [al-Ġazālī, Ibn Rušd, Ibn Sīnā]

in Albert the Great, Metaphysica XI.1.7, p. 468.11-20

Occurrence of the quotation formula
Sententia Peripateticorum, p. 468.20
Paraphrase Neutral
Et secundum hoc, quaecumque in re ipsa sunt ‘tactu’ et continuatione et non ‘complantatione’ sive ordine, sunt ‘materia ad subiectum’, cuius est materia, quia, sicut diximus, materia est id quod determinatur continuitate et tactu in rebus. Complantatio autem unius cum alio et ordinatio omnis fit per formam, quia materia nec est causa complantationis rerum nec ordinis, sed forma. Iste igitur perfectus est intellectus materiae, et haec est sententia Peripateticorum.

Quoted text(s)

  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562, L. V, text. comm. 8, f. 111G
    [L. V, text. comm. 8, f. 111G] et est, quod corpora continua sunt illa in rei veritate per tactum et visum continua. Et forte erunt necessarii isti duo sensus, s[cilicet] quia unus iuvat alterum. Et multotiens coniunguntur corpora per artificium tali modo, quod tactus et visus falluntur et reputant ea esse continua. Et causa huius est quia continuatio est de sensibilibus communibus. D[einde] d[ixit] illa autem quae sunt perfectae continuationis etc. I[d est] illa autem quae sunt perfectae continuationis, s[cilicet] per naturam dicuntur unum

Other text(s)

  • J. MUCKLE, Algazel’s Metaphyiscs : A Mediaeval Translation, St. Michael’s College, Toronto 1933, p. 14.3-7
    [p. 14.3-7] Ergo continuacio non est receptibilis discontinuecionis, necesse est igitur aliud esse receptibile utriusque, continuacionis scilicet et discontinuacionis. Et hoc receptibile vocatur hyle, secundum quod convenerant phylosophi.
  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562, L.X, text. comm. 10, f. 258L
    [L.X, text. comm. 10, f. 258L] Et dicitur unum illud, quod est unum secundum formam et materiam, ut Callias demonstratus. Quoniam forma eius es tuna, s[cilicet] indivisibilis: et similiter materia eius.
  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562 , L. XII, text. comm. 14, f. 301D-E
    [L. XII, text. comm. 14, f. 301D-E] Omne enim cuius esse est per contactum et per continuationem cum alio, non per naturam intellectam ab ea, qua fit ens per se, est materia.
  • AVICENNA LATINUS, Liber de Philosophia prima sive Scientia divina, I-IV. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1977., II, 2, p. 77.39-55
    [II, 2, p. 77.39-55] Omnis enim continuatio est dimensio quae, cum separatur, destruitur illa dimensio et acquiruntur aliae duae dimensiones; similiter etiam cum restauratur continuatio, scilicet continuatio secundum quod est differentia, non accidens (iam enim ostendimus hoc alias), restauratur etiam alia dimensio et destruitur quicquid erat proprium unicuique illarum. Igitur in corporibus est aliquid quod est subiectum continuationi et discontinuationi propter id continuationis quod accidit mensuris terminatis. Corpus enim, inquantum est corpus habens formam corpoream, est quiddam in effectu; inquantum vero aptum est ad quamlibet mensuram, est in potentia. Res autem secundum quod est in potentia est aliqua res, et ipsa est alia res secundum quod est in effectu; est igitur potentia corpori, sed non inquantum est sibi effectus; igitur forma corporis coniuncta est alii inquantum est ei forma. Corpus igitur est substantia composita ex quodam per quod habet potentiam, et ex quodam per quod habet effectum. Id autem per quod habet effectum est forma eius, per quod vero habet potentiam est materia eius, et hoc est hyle.

References in current editions

  • None