Opiniones Peripateticorum [al-Ġazālī, Ibn Rušd]

in Albert the Great, Metaphysica XI.2.1, p. 482.8-29

Occurrence of the quotation formula
Opiniones Peripateticorum, p. 482.27
Paraphrase Neutral
Abhinc autem quaeremus de substantia immobili et incorruptibili. Cum enim per supra dicta iam constet tres esse substantias, quarum principia inquirenda sunt, quarum una est sensibilis mobilis et corruptibilis, cuius principia determinata sunt, et secunda est sensibilis et mobilis et incorruptibilis et tertia immobilis et insensibilis et incorruptibilis, et tertia quidem est principium secundae, nec potest sciri secunda nisi per tertiam, non enim potest determinari aliquid secundum proprietatem istius sapientiae de motis motu perpetuo nisi per scientiam motorum: oportet nos in isto tractatu sequenti post primum loqui de immobili substantia et insensibili et incorruptibili et tunc inducere de ea quae est mobilis et sensibilis et incorruptibilis. Quo facto completa est omnis nostra intentio quam habemus in hac sapientia. In his autem quae deinceps dicemus, nemo arbitretur, quod aliquid dicamus de nostra intentione, sicut nec diximus in aliquo librorum naturalium, sed tantum declarabimus opiniones Peripateticorum de istis substantiis, relinquentes aliis iudicium, quid verum vel falsum sit de his quae dicunt.

Quoted text(s)

  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562., L.XII, text. comm. 5, f. 292 I-L
    [L.XII, text. comm. 5, f. 292 I-L] Dicit quod substantiae sunt tres, sensibilis et insensibilis. Sensibilis autem dividitur in duo, in substantiam aeternam, et in substantiam generabilem et corruptibilem, quam omnes concedunt, ut plantae et animalia. Et dixit: cuius elementa necesse est accipere. Alexan[der] dixit super hoc, quod non est intelligenda ex hoc substantia generabilis et corruptibilis, sed utraque generabilis et non generabilis. [...] Substantia enim immobilis est principium et causa rerum naturalium, de quo modo loquitur principaliter.

Other text(s)

  • J. MUCKLE, Algazel’s Metaphyiscs : A Mediaeval Translation, St. Michael’s College, Toronto 1933, p. 7.12-25
    [p. 7.12-25] Dividitur ergo substancia in quatuor species que sunt hyle, forma, corpus, et intelligencia separata per se existens. In omni autem corpore inveniuntur tres prime substancie sicut in corpore quod est compositum ex forma aqueitatis, et ex hyle que substinet formam. Igitur hyle per se substancia est, et forma per se est substancia et coniunctum ex utroque quod est corpus est substancia. Hec igitur est exposicio divisionum in intellectu, secundum quod in appelacionibus convenerunt; tres autem illas substancias esse demonstracionibus ostendetur in sequentibus, preter corpus quod visui subiacet. De intelligencia enim, et de hyle, et de forma, probacio queritur sine dubio. Sequitur ergo ex hoc ut et substancia dicatur id in quo aliquid existit, et id quod in eo existit.

References in current editions

  • None