Peripatetici [Ibn Rušd, Ibn Sīnā]

in Albert the Great, Metaphysica XI.2.12, p. 499.35-45

Occurrence of the quotation formula
Peripatetici, p. 499.39
Paraphrase Neutral
Vivere igitur vita pura est intellectus omnino separati, qualis est substantia prima et intelligentiae separatae, et ideo secundum antiquos philosophos dicimus deum esse animal sempiternum nobilissimum. Et haec quidem diffinitio data est a Peripateticis de primo, quod movet et est compositum, sicut distinximus in viii physicorum, et compositio sua est ex primo motore simplici et primo corpore moto. Hoc enim secundum antiquos deus vocabatur propter divinum intellectum et perpetuitatem et universalitatem causandi, quae habet.

Quoted text(s)

  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562, L.II, text. comm. 6, f. 31B-C
    [L.II, text. comm. 6, f. 31B-C] Necesse est igitur, si omnia habeant causam in motu, ut primum sit causa omnium, s[cilicet] causa sui ipsius, et causa duorum residuorum, s[cilicet] ut primum moveat se et moveat medium per se et postremum per medium. Et indifferenter sive in primo fuerit motor idem cum moto, ut intendit Plato, aut compositum ex moto et motore non moto, ut intendit Aristo[teles].

Other text(s)

  • AVICENNA LATINUS, Liber de Philosophia prima sive Scientia divina, V-X. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1980., IX, 2, pp. 462.49-463.64
    [IX, 2, pp. 462.49-463.64] Item tu scies quod substantia huius bonitatis amatae primae una est nec potest esse ut motor primus universitatis caelorum sit plus quam unus, quia igitur unaquaeque sphaerarum caelorum habeat motorem proprium propinquum et desideratum amatum proprium, secundum quod vidit magister primus. Ideo qui secuti sunt eum ex sapientissimis Peripateticis non removerunt multitudinem nisi a motore universitatis, et attribuerunt multitudinem motoribus separatis et non separatis qui sunt proprii uniuscuiusque eorum. Posuerunt igitur primum ex separatis propriis id quod movet sphaeram primam quae, secundum eos qui praecesserunt Ptolemaeum, est sphaera fixarum stellarum, sed, secundum eum qui peritus est in scientiis quas docuit Ptolemaeus, est sphaera praeter eam et circumdans eam non stellata, et post hanc est motor sphaerae sequentis primam, secundum diversitatem duarum sententiarum, et similiter in omnibus inferius. Isti igitur viderunt quod motor universitatis est quiddam, et quod post eum unaquaeque sphaera habet alium motorem proprium.

References in current editions

  • None