Consuetudo Peripateticorum [al-Ġazālī, Ibn Rušd, Ibn Sīnā]

in Albert the Great, Metaphysica XI.2.12, p. 500.3-17

Occurrence of the quotation formula
Consuetudo Peripateticorum, p. 500.5-6
Paraphrase Neutral
Et sic loquitur Apuleius, deum diffiniens et dicens, quod est anima motu et ratione mundum gubernans. Peripateticorum autem consuetudo fuit nihil pentius dicere, quod certa ratione probare non poterant. Et quia ante primi caeli motorem per rationem nihil investigari poterat, ideo ante primum motorem nihil esse ponebant. Adhuc autem, quia in omni natura motor eorum quae per se moventur, proportionatus et coniunctus est mobili, ideo dicebant primum motorem et proportionatum et coniunctum esse primo mobili et ex his esse unum, quod per se movetur. Et sive hoc verum sit sive falsum, hic pro certo est intellectus verborum Aristotelis et in prima philosophia sua et in caelo et mundo et in viii suorum physicorum.

Quoted text(s)

  • J. MUCKLE, Algazel’s Metaphyiscs : A Mediaeval Translation, St. Michael’s College, Toronto 1933, p. 36.2-4
    [p. 36.2-4] Ens dividitur in prius et posterius; sed hec prioritas et posterioritas sunt eciam de accidentibus essencialibus esse, et dicitur deus esse ante mundum.
  • AVERROES, Aristotelis De Physico auditu libri octo cum Averrois Cordubensis variis in eosdem commentariis, Venetiis Apud Iunctas 1562., L.VIII, text. comm. 17, f. 353E
    [L.VIII, text. comm. 17, f. 353E] Necesse est enim ponere motorem aeternum esse. Et in hoc conveniunt omnes. Sed differunt consyderantes ad hoc, utrum primus motor possit movere quandoque et quandoque; non, aut est impossibile, sed est necesse ut semper moveat.
  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562, L. XII, text. comm. 42, f. 326 F-G
    [L. XII, text. comm. 42, f. 326 F-G] Cum vero quod movetur necesse sit ab aliquo moveri, primumque movens immobile per se esse, ac motu aeterno ab aeterno moveri, et unum ab uno videmusque praeter simplicem lationem totius, quam dicimus primam substantiam et immobilem movere, caeteras etiam lationes, quae errantium sunt, sempiternas esse (sempiternum nanque et irrequiescibile circulare corpus est. Monstratum autem est de his in Physicis) necesse est harum quoque lationum unamquanque a per se immobili, et aeterna substantia moveri.
  • AVICENNA LATINUS, Liber de Philosophia prima sive Scientia divina, V-X. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1980, VIII, 4, pp. 397.55-398.62
    [VIII, 4, pp. 397.55-398.62] lam stabilitum est esse aliquid quod est necesse esse; sed stabilimentum eius fuit per hoc quod necesse esse unum est; igitur ei quod est necesse esse non communicat aliquid in suo ordine; igitur nihil est praeter ipsum quod sit necesse esse. Postquam autem nihil praeter ipsum est necesse esse, tunc ipsum est principium debendi esse omne quod est, quod facit debere ipsum esse, debito primario vel mediante alio; sed, postquam esse omnis quod est praeter eum est ab eius esse, tunc ipsum est primum.
  • AVICENNA LATINUS, Liber de Philosophia prima sive Scientia divina, V-X. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1980., IX, 2, p. 462.49-53
    [IX, 2, p. 462.49-53] Item tu scies quod substantia huius bonitatis amatae primae una est nec potest esse ut motor primus universitatis caelorum sit plus quam unus, quia igitur unaquaeque sphaerarum caelorum habeat motorem proprium propinquum et desideratum amatum proprium, secundum quod vidit magister primus.

References in current editions

  • None
Notes
In Al Ghazali the Prime Mover is identical to God