Peripatetici [al-Ġazālī, Ibn Rušd, Ibn Sīnā]

in Albert the Great, Metaphysica XI.2.17, p. 504.66-77

Occurrence of the quotation formula
Peripatetici, p. 504.73
Paraphrase Neutral
Dictum est enim, quod hoc est movens motum illum qui inter omnes motus est unus et simplex et sempiternus, et hic est motus quem vocant diurnum, qui non dicitur unus et simplex, quod non habeat partes, sed ideo dicitur unus et simplex, quia uniformis est et aequalis per totum. Et ideo dicitur primus, quia causa est omnium aliorum, et suus motor est prima causa universi entis secundum Peripateticos, quia, sicut diximus, omne quod motum est, necesse est moveri ab aliquo. Et id quod est movens primum motum, necesse est immobile esse, quia aliter iretur in infinitum in moventibus et motis.

Quoted text(s)

  • J. MUCKLE, Algazel’s Metaphyiscs : A Mediaeval Translation, St. Michael’s College, Toronto 1933, pp. 103.29-104.2
    [pp. 103.29-104.2] Motus vero celestis est causa eorum que fiunt duobus modis. Uno, cum causatum habet esse cum illo, sicut splendor qui circumvolvitur cum sole, et facit fieri in terra multa alia post alia. Unde facit diem in omni regione paulatim, et fit per eum visio et remocio tenebrarum; et propter visionem, fit egressio hominum multis modis motuum ad id quod intendit quisque eorum, et per hos motus fiunt multa manifeste in mundo sine numero. Alio, ut motus circularis sit causa adveniendi adaptacionem causis.
  • J. MUCKLE, Algazel’s Metaphyiscs : A Mediaeval Translation, St. Michael’s College, Toronto 1933, 125.27-32
    [p. 125.27-32] Et hec causa erit ex alia causa, et similiter illa ex alia, et sic in infinitum quousque perveniatur ad ultimum ad motus celestes. Sequitur igitur ex hoc quod bonitas fluit in esse quod est, a primo principio sed mediantibus angelis ad hoc ut habeat esse quicquid fuit possibile habere esse secundum quod pulcrius, et perfeccius esse potuit.
  • F. H. FOBES (ed.), Averrois Cordubensis Commentarium Medium in Aristotelis de Generatione et Corruptione Libros, The Medieval Academy of America, Cambridge, Massachusetts 1956, L.II, text. comm. 56, p. 148
    [L.II, text. comm. 56, p. 148] Causa ergo continuitatis generationis et corruptionis est primus motus. Causa autem generationis et corruptionis est quod moventur stelle et planete in isto orbe, cum habeant dispositiones diversas entibus, quoniam appropinquant aliquando et aliquando removentur; quare diversificatur operatio.
  • F. H. FOBES (ed.), Averrois Cordubensis Commentarium Medium in Aristotelis de Generatione et Corruptione Libros, The Medieval Academy of America, Cambridge, Massachusetts 1956, L.II, text. comm. 69, p. 160
    [L.II, text. comm. 69, p. 160] Et quia ostensum est in aliis quod motus circularis et eternus est motus celi, manifestum est quod motus rerum generatarum et corruptarum est propter illos motus et ex eis; quoniam, si illud quod circulariter movetur perpetuo movetur, necesse est ut motus rerum transmutatarum sit circularis; v. g., quoniam motus primus est circularis, oportet etiam ut sol in orbe declivi moveatur etiam circulariter; et quia motus solis in hoc orbe est circularis, oportet ut tempora anni currant circulariter; et quia ilia currunt in circuitu, oportet ut consequentia currant circulariter.
  • AVICENNA LATINUS, Liber tertius naturalium de generatione et corruptione. Édition critique par S. VAN RIET. Introduction par G. VERBEKE, Peeters-Brill, Louvain-la-Neuve-Leiden 1987, C. XIV, p. 142.97-7
    [C.XIV, p. 142.97-7] Dicamus a modo quod generatio et corruptio et alterationes sunt principiata; et omne principiatum sine dubio habet causam, secundum quod declaravimus in transactis de motu locali. Nam motus localis est appropinquator et congregator causarum et earum elongator, et fortificator causarum qualitatum et debilitator earum; et principium omnium motuum, prout declaratum est, est circularis. Motus igitur circulares caelestes qui appropinquant potentias altorum corporum et qui eas elongant sunt primae causae generationis et corruptionis; < ... >. Et motus qui conservat ordinem circularitatum, qui est unitor et properator, qui, si dimitteretur, demoraretur eius operatio et non adveniret communiter, est primus motus.
  • AVICENNA LATINUS, Liber tertius naturalium de generatione et corruptione. Édition critique par S. VAN RIET. Introduction par G. VERBEKE, Peeters-Brill, Louvain-la-Neuve-Leiden 1987., C. XV, p. 152.15-22
    [C. XV, p. 152.15-22] Et, postquam perfecimus istam probationem, expedit ut perficiamus istam fen, loquendo breviter in causis generationis et corruptionis. Dicimus igitur quod omne generatum habet materiam et formam, et causam efficientem et finalem propriatam; et invenitur istud per inductionem rerum particularium et per medium positionis inventae. Omnis ergo generationis et corruptionis suae continuitatis causa agens participate quae propinquior est, sunt motus caelestes, et quae prior est, est eorum motor.

References in current editions

  • None