Peripatetici [al-Ġazālī, Ibn Sīnā, Liber de causis]

in Albert the Great, Metaphysica XI.2.20, p. 507.81-94

Occurrence of the quotation formula
Peripatetici, p. 507.87-88
Digression Neutral
Haec autem intelligentia secunda et deinceps ordinis se habet ad primam causam sicut causatum ad causam. Licet enim causae efficientis non sit nisi educere formam de materia in his quae habent materiam, tamen in his quae nullam habent materiam, causalitas causae primae est substantiare secunda et fundare, quia cum intelligentia, sicut dicunt Peripatetici, sit forma caeli et motor, non educitur de ipsa potentia, quia non est generabile caelum, et quamvis poneretur esse generabile, non tamen ex ipso educeretur, quia non est intelligentia forma et substantia, quae sit in materia, sed potius corpus non aptatur ei, nisi ut sit instrumentum motus, et non aptatur ei tamquam necessarium ad esse talis substantiae.

Quoted text(s)

  • J. MUCKLE, Algazel’s Metaphyiscs : A Mediaeval Translation, St. Michael’s College, Toronto 1933, p. 121.9-24
    [p. 121.9-24] Intelligencia vero nobilior est; forma autem quam habet ex primo scilicet, necessitas est nobilior; igitur provenit ex ea intelligencia secunda secundum quod consideratur esse necesse, et provenit ex ea celum supremum, secundum consideracionem possibilitatis que est ei sicut materia. Ex intelligencia vero secunda, provenit intelligencia tercia et circulus signorum. Et ex intelligencia tercia, provenit intelligencia quarta, et circulus saturni, et ex quarta quinta et circulus iovis. Et ex quinta, sexta, et circulus martis, et ex sexta, septima, et circulus solis. Et ex septima octava, et circulus veneris, et ex octava nona, et circulus mercurii, et ex nona, decima, et circulus lune et sic completum est esse omnium celestium simul, sed ea que sunt nobiliora excepto primo, provenerunt decem et novem, decem intelligencie, et novem celi;
  • AVICENNA LATINUS, Liber de Philosophia prima sive Scientia divina, V-X. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1980, IX, 2, p. 454.93-95
    [IX, 2, p. 454.93-95] Proximus autem motor caeli, quamvis non sit intelligentia, oportet tamen ut sit prius eo intelligentia quae est prior causa motus caeli.
  • AVICENNA LATINUS, Liber de Philosophia prima sive Scientia divina, V-X. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1980, IX, 4, p. 481.39-42
    [IX, 4, p. 481.39-42] Palam igitur non posse esse ut primum causatum sit forma materialis ; sed quod non sit materia manifestius est. Necessarium est igitur ut causatum primum sit forma non materialis omnino, scilicet intelligentia.
  • AVICENNA LATINUS, Liber de Philosophia prima sive Scientia divina, V-X. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1980, IX, 4, p. 487.89-91
    [IX, 4, p. 487.89-91] lam igitur vere manifestum est quod ex omni intelligentia superiore in ordine, secundum hoc quod intelligit primum, provenit esse alterius intelligentiae inferioris ea.
  • A. PATTIN, Le Liber de causis. Édition établie à l'aide de 90 manuscrits avec introduction et notes, « Tijdschrift voor Filosofie », 28, 1966, pp. 90-203., p. 158, v. 8-11
    [p. 158, v. 8-11] Omnis intelligentia plena est formis; verumtamen ex intelligentiis sunt quae continent formas minus universales, et ex eis sunt quae continent formas plus universales.

References in current editions

  • None