Aliquis Peripateticorum [al-Ġazālī, Ibn Rušd, Ibn Sīnā]

in Albert the Great, Metaphysica XI.3.2, p. 536.48-67

Occurrence of the quotation formula
Aliquis Peripateticorum, p. 536.65-66
Paraphrase Neutral
His ita praelibatis videamus, an caelum habeat motum naturae vel motum animae an motum artis an motum contemplantis intelligentiae agentis. Si enim dicatur, quod movetur motu naturae, cum omnis motus naturae sit ex imperfectione ad aliquam perfectionem, quae imperfectio primo et perfectio postea succedunt sibi in ipso mobili: oporteret, quod caelum moveretur de contrario ad contrarium, quod omnino est absurdum. Adhuc autem, cum natura sit movens ad unum finem, qui est actus ultimus secundum ubi vel formam, oporteret, quod caeli motus staret in fine quodam, quod est contra naturam. Adhuc autem, si natura, quae est ad unum tantum, sicut probatum est in ix huius sapientiae libro, movet ab A in B, non movebit cum hoc a B in A. In motu autem caeli non est astrum egrediens ab aliquo puncto, nisi referatur in idem punctum. Igitur motus caeli non est a natura. Sed quia numquam fuit aliquis Stoicorum vel Peripateticorum qui de hoc dubitaverit, ideo haec relinquamus; sufficit enim, quod de hoc dictum est.

Quoted text(s)

  • J. MUCKLE, Algazel’s Metaphyiscs : A Mediaeval Translation, St. Michael’s College, Toronto 1933, p. 106.2-11
    [p. 106.2-11] Nullus autem locus est ceļo ad quem non redeat cum per motum discesserit ab eo, et ita est semper recedens, et rediens; hoc igitur non est tantum ex natura, sed ex voluntate, et eleccione; non est autem voluntas, nisi cum ymaginacione. Quicquid autem habet imaginacionem, et voluntatem, solet vocari animal, eo quod corpus non habet imaginacionem, nec voluntatem in quantum corpus est tantum, sed per naturam propriam et formām propriam que dicitur anima; motus igitur celi est per voluntatem, et est motus animalis.
  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562, L. XII, text. comm. 37, f. 320H-I
    [L. XII, text. comm. 37, f. 320H-I] Hoc autem primum movens movet primum motum ab eo, sicut movet amatum primum amans absque quod amatum moveatur. Ea autem quae sunt sub primo moto movent mediante isto primo. Et intendit per primum motum corpus coeleste: et per alia mota, ea, quae sunt sub primo corpore, s[cilicet] alias sphaeras, et ea, quae sunt in generatione et corruptione. Primum enim coelum movetur ab isto motore secundum desyderium ut assimiletur ei secundum suum posse, sicut amans movetur ut assimiletur suo amato. Alia autem corpora coelestia moventur secundum desyderium ad motum primi corporis. Et ideo planetae habent motum duplicem. Ea autem, quae sunt sub istis moventur mediantibus istis motibus.
  • AVICENNA LATINUS, Liber de Philosophia prima sive Scientia divina, V-X. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1980., IX, 2, p. 449.99-1
    [IX, 2, p. 449.99-1] Iam igitur manifestum est tibi quod principium motus caeli non est natura; sed iam ostensum fuerat non esse per violentiam; igitur est per voluntatem.

References in current editions

  • None