Avicenna [Ibn Sīnā]

in Albert the Great, Super Porphyrium 1.1, p. 2.2-11

Occurrence of the quotation formula
Avicenna, p. 2.6
Paraphrase Neutral
Et hoc modo consideratus hic modus potest esse scientiae subiectum, et scientia specialis est de ipso. In qua tamen scientia eundem modum observari necesse est, quia de scientia talis modi non nisi modo logico doceri potest. Ut enim Avicenna dicit, modus hic omnibus hominibus per hoc quod intellectuales sunt quodammodo per naturam inditus est. Sed imperfectum est quod in natura est, perficitur autem per artem adhibitam. Id enim quod in natura est, seminarium et imperfectum est et quasi in potentia existens.

Quoted text(s)

  • F. HUDRY (with an introduction by A. de LIBERA), Avicennae Logica - Texte latin, édition critique et introduction doctrinale, Vrin, Paris 2018., I-2(3), pp. 132-133
    Quis autem discit hanc doctrinam et per eam tendit ad has duas intentiones, eget propositionibus per quas perveniat ad cognitionem harum duarum intentionum. Et haec doctrina est logica. Contingit autem aliquando homini ut innascatur ei naturaliter diffinitio dans ei intellectum et ratio faciens fidem, sed haec est res non doctrinalis nec sic vera quin aliquando fallat. Si autem natura et intellectus sufficerent ad hoc sine doctrina- sicut fit in multis- non contingeret in sententiis tanta diversitas et contradictio, nec unus homo contradiceret sibi ipsi aliquando et aliquando non, cum procederet secundum intellectum suum. Natura autem humana est insufficiens ad hoc quamdiu non acquirit doctrinam, sicut non est sufficiens in multis aliarum actionum, quamvis saepe contingit ut faciat rectum, sicut recto iaculatio caeci. Cum autem acquisierit doctrinam tota virtute humana, non tamen est sufficiens sibi undique, ita ut non fallatur aliquo modo. Aliquando enim a doctrina declinatur in multis dispositionibus. Ipsa enim non est retinens et prohibens ab errore multis de causis, tum quia agens non est assecutus doctrinam perfecte, tunc quia perfecte assecutus est eam sed plerumque praetermittit team et habundat in sensu suo, tum quia plerumque accidit desidem esse ad exercendum eam et praetermittit eam. Sed quaevis ita sit inquirens scientiam cum habuerit doctrinam et exercuerit eam, non tantum erroris accidet illi quantum non habenti eam.

References in current editions

  • AVICENNA, Avicennae peripatetici philosophi ac medicorum facile primi opera in lucem redacta …, mandata ac sumptibus heredum nobilis viri domini Octaviani Scoti, Venetiis 1508., Logyca, Pars 1. C. 2, f. 2vb