Avicenna [Ibn Sīnā]

Quoted text(s)

• AVICENNA LATINUS, Liber de Philosophia prima sive Scientia divina, I-IV. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1977., III, 5, pp. 132.67-133.87
  Oportet ut hic certificemur de natura et proprietatibus numerorum et quomodo debent intelligi dispositiones et esse eorum. lam autem transieramus ab hoc incidenter ad loquendum de quantitatibus continuis: nostra enim intentio fecit debere hoc fieri. Dicemus igitur quod numerus habet esse in rebus et habet esse in anima. Et illud quod dixerunt quidam quod numerus non habet esse < nisi> in anima, non est attendendum, sed quod dixerunt quod numerus exspoliatus a numeratis signatis non habet esse nisi in anima, hoc verum est. Postquam autem iam ostendimus quod unum non exspoliatur a signatis ita ut existat per se nisi in intellectu, similiter intelligendum est de unoquoque quod sequitur in ordine post esse unius. Quod autem in eis quae sunt numeri sint, sine dubio verum est, eo quod, in eis quae sunt, sunt unitates plus quam una; unusquisque autem numerorum species est per se et est unus in se, inquantum ipse est ipsa species et, inquantum ipse est ipsa species, habet proprietates. Id enim quod non habet certitudinem in se, impossibile est ut habeat proprietatem primarietatis vel compositionis vel perfectionis vel superfluitatis vel diminutionis vel quadrationis vel cubitionis vel surditatis vel aliarum figurarum quas habent numeri. Igitur unicuique numerorum est certitudo propria et forma propria quae de ipso concipitur in anima, et ipsa certitudo est unitas eius qua est id quod est.

References in current editions

• AVICENNA LATINUS, Liber de Philosophia prima sive Scientia divina, I-IV. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1977., III, 5, pp. 132.67-133.87