Peripatetici [Ibn Rušd, Ibn Sīnā]

in Albert the Great, Metaphysica III.3.4, pp. 143.93-144.8

Occurrence of the quotation formula
Peripatetici, p. 144.1
Digression Neutral
Sic enim substantia habet multas passiones, quas non habet, inquantum est ens primum et aliorum existentium principium. Nec est verum, quod sensibilitas sit passio substantiae, sed potius est differentia constituens cum motu et materia conceptam substantiam. Sicut enim de talibus dixerunt Peripatetici formis, Porphyrius et Alexander et Avicenna, essentialiter sunt qualitates virtutem substantiae habentes. Secundum autem doctrinam Aristotelis huiusmodi formae sunt verae substantiae et nominant formam cum virtute naturali, quam habet ad agendum vel patiendum, propter quod secundum nomen qualitates et passiones dici videntur.

Quoted text(s)

  • AVERROES, Aristotelis Metaphysicorum libri XIIII cum Averrois Cordubensis in eosdem commentariis et epitome Theophrasti Metaphysicorum liber, Venetiis Apud Iunctas 1562, L. IV, text. comm. 25, f. 93 C-D
    [L. IV, text. comm. 25, f. 93 C-D] Sensibile enim est relativum: cum nullam habet in se naturam, nisi relativam. Contingit enim ut sensibilia non habeant esse, si animalia sensibilia non fuerint. Sensibile enim non est relativum ad aliud nisi ad sensum: et, si sensus non fuerit, non erunt sensibilia. D[einde] d[icit] et est verum, quemadmodum etc. I[d est] et hoc, quod contingit, verum est etiam alio modo, s[cilicet] cum posuerimus quod sensibilia sunt relativa. Contingit enim ut sensibile sit sensus, et sensus sit passio, i[d est] accidens in sentiente, unde necesse est ut sensibile non sit nisi sentiens sit. Accidens enim impossibile est ut sit sine suo subiecto. D[einde] d[icit] et impossibile est ut subiecta etc. I[d est] et contingit huic sermoni ut sensibilia non sint, nisi sensus sit.
  • AVICENNA LATINUS, Liber de Philosophia prima sive Scientia divina, V-X. Édition critique par S. VAN RIET. Introduction par G. VERBEKE, Peeters-Brill, Louvain-Leiden 1980., V, 3, p. 249.62-68
    [V, 3, p. 249.62-68] Similiter intellige dispositionem sensibilis et rationalis. Si enim sensibile accipitur corpus vel aliquid habens sensibilitatem tali condicione ut nihil addatur, tunc non erit differentia, quamvis sit pars hominis, et ideo animal non praedicatur de illo. Si vero illud accipitur corpus aut aliquid cui et in quo et cum quo possibilis sit quaelibet formarum aut quaelibet condicionum, ita ut sit in ea sensibilitas, sic erit differentia, et animal praedicabitur de illo.

References in current editions

  • None