Liber de causis [Liber de causis]

in Albert the Great, Metaphysica IV.3.1, pp. 186.61-187.3

Occurrence of the quotation formula
Liber de causis, p. 187.1
Paraphrase Neutral
Tertia ratio est, quia in omnibus sicut motor est causa mobilis, ita forma, quae est in movente, causa est formae, quae est in mobili. Anima autem est motor naturae, sicut probatur in libro de causis, quia imprimit in naturam sicut intelligentia in animam.

Quoted text(s)

  • A. PATTIN, Le Liber de causis. Édition établie à l'aide de 90 manuscrits avec introduction et notes, « Tijdschrift voor Filosofie », 28, 1966, pp. 90-203., p.139.98 -141.31
    Omnis anima nobilis habet tres operationes; [nam ex operibus eius est] operatio animalis et operatio intellectibilis et operatio diuina. Operatio autem diuina est quoniam ipsa parat naturam cum uirtute quae est in ipsa a causa prima. Eius autem operatio intellectibilis est quoniam ipsa scit res per uirtutem intelligentiae quae est in ipsa. Operatio autem eius animalis est quoniam ipsa mouet corpus primum et omnia corpora naturalia, quoniam ipsa est causa motus corporum et causa operationis naturae. Et non efficit anima has operationes nisi qnoniam ipsa est exemplum superioris uirtutis. Quod est quia causa prima creauit esse animae mediante intelligentia, et propter illud facta est anima efficiens operationem diuinam. Postquam ergo creauit causa prima esse animae, posuit eam sicut [stramentum] intelligentiae in quod efficiat operationes suas. Propter illud ergo anima intellectibilis efficit operationem intellectibilem. Et quia anima suscipit inpressionem intelligentiae, facta est inferioris operationis quam ipsa in inpressione sua in id quod est sub ipsa. Quod est quia ipsa non inprimit in res nisi per motum, scilicet quia non recipit quod est sub ea operationem eius, nisi ipsa moueat ipsum. Propter hanc ergo causam fit quod anima mouet corpora; de proprietate namque animae est ut uiuificet corpora, quando influit super ea uirtutem suam et directe producit ea ad operationem rectam.

References in current editions

  • O. BARDENHEWER, Die Pseudo-Aristotelische Schrift Ueber das Reine Gute: Bekannt Unter dem Namen Liber de Causis, Herdersche Verlagschhandlung, Kessinger Publishing, Berlin 1882., 3, p. 165, v. 26